વરાછામાં રૂપિયા ૧૦ લાખથી વધુના હીરાની ચોરી, સમગ્ર ઘટના સીસીટીવીમાં કેદ

સુરતમાં (Surat)વરાછા (Varachha)નજીક મીનીબજાર (Mini market)વિસ્તારમાં ત્રીજા માળે આવેલી હીરાની ઓફિસોને ગત રાત્રી દરમિયાન અજાણ્યા તસ્કરે નિશાનો બનાવ્યો હતો અને તાળું કાપીને અંદર પ્રવેશ કરી રૂ.૧૦ લાખથી વધુના હીરાની ચોરી કરીને ફરાર થઇ ગયો હતો. લાખોના હીરાની ચોરીની ઘટના સવારે પ્રકાશમાં આવતા ચકચાર મચી ગઈ હતી.ઘટના અંગે જાણ કરવામાં આવતા વરાછા પોલીસ (Police)કાફલો ઘટના સ્થળે પહોંચ્યો હતો અને સ્થળ ઉપરની તપાસ શરૂ કરી હતી.એટલું જ નહીં એક તસ્કર સીસીટીવી કેમેરામાં (cctv camera)પણ કેદ થયો છે.

ત્યારે પોલીસ સૂત્રો પાસેથી મળતી માહિતી મુજબ વરાછા ખાતે આવેલી ઠાકોર દ્વાર સોસાયટીમાં ત્રીજા માળે હીરાની ત્રણ અલગ અલગ ઓફિસો આવેલી છે. જોકે આ ત્રણે ઓફિસોમા જવા માટેની એક કોમન ગ્રીલ નો ઉપયોગ કરવો પડે છે.દરમિયાન રાત્રે અજાણ્યો ચોર ઈસમ ગ્રિલનું તાળું કાપીને હીરાની ઓફિસોમાં ત્રાટક્યો હતો અને ત્રણે ઓફિસોમાંથી અલગ અલગ કિંમતના રૂ..૧૦થી ૧૨ લાખની કિંમતના હીરા ચોરી કરીને નાશી છૂટ્યો હતો 

આજે સવારે જયારે તાળું કાપેલી હાલતમાં દેખાયો અને ઓફિસોમાં ચોરી થઇ હોવા બાબતે ખબર પડતા હીરાના વેપારીઓ ચોકી ગયા હતા તેમજ ચોરીની ઘટનાને પગલે આસપાસ પણ ચકચાર મચી ગઈ હતી.

હીરા વેપારી ઓ દ્વારા ઘટના અંગે જાણ કરવામાં આવતા વરાછા પોલીસ કાફલો ઘટના સ્થળે પહોંચ્યો હતો.પોલીસે ત્રણે ઓફિસમાં વિઝીટ કરીને ત્યાં તપાસ હાથ ધરી સાથે જ સીસી ટીવી કેમેરાના ફૂટેજો પણ ચેક કરવામાં આવ્યા હતા.ફૂટેજમાં એક ઈસમ કેદ થયો છે. અને તે પણ જાણભેદુ હોવાનું જાણવા મળ્યું છે.પોલીસે હાલમાં ચોરીનો ગુનો નોંધી આગળ વધુ તપાસ હાથ ધરી છે.

આ પણ  વાંચો : જિલ્લામાં હવે ધીરે ધીરે ઠંડીનો પારો ગગડીને 2 ડિગ્રી સુધી પહોંચ્યો